快速鏈結

Recent Posts

Last Updated: 4 1 月, 2022|Categories: 僱主|

《如何調教你的姐姐》

如果你的外傭,經常都買錯餸菜,作為僱主的您會點做?

今次嘅活動總共有55位僱主參與, 我地成功選出最好嘅答案!就係 Abby Ng 僱主, 佢嘅答案係最能夠令外傭學習到如何買餸, 並且了解到 自己買錯餸菜嘅原因, 以及增加僱主及外傭之間嘅關係和合作, 下面等我哋一齊分析佢嘅答案。

1. 僱主的心態和做法

如果工人識就唔會買錯,要佢講點解會買錯,她也未必識講,所以我會陪工人去買(在旁觀察不干預),睇下買餸出錯的可能原因在哪,心平氣和的和工人解釋返正確的買餸知識,一齊傾下有無咩方法幫助佢融入/記得。

2. 讓外傭有學習嘅機會

另外我會購買兒童教材—食物圖卡(菜類/肉類/水果類),有需要就自己影相製圖卡,除了本身卡上的中文,我仲會另外貼上英文和姐姐的語言;連同平日去開的那幾檔店鋪(影相方便工人記得鋪面),圖文並茂,方便平日工人「溫習」和帶出街成張卡圖示檔主,清清楚楚就唔會去錯店、買錯餸。

小編: 其實可以從勞工處下載《街市內常見的食/用品及服務行業》–簡稱買餸天書的一本小册子。附上網上版, 各位僱主可以自行列印使用: 買餸天書連結(網上版)

3. 外傭有實習的機會, 從錯誤中學習

每次買餸前我會選好要買的食物,brief工人一次,頭幾次我都會陪工人去買,到工人開始上手,之後幾次我會在旁陪同觀察,但絕少干預,讓工人「實習」,之後就完全交由工人主責。工人做得到,可以給予鼓勵(即使是簡單一兩句,工人覺得被肯定都會好開心),就算工人真的買漏買錯餸,都仲可以臨時更改菜單來彌補,也可以有返正確的餸菜圖對比教導,唔使下下責怪(工人事後都會知錯)。

4. 僱主心態的調整

其實人會做錯好正常,無論對工人定對孩子也一樣,我的準則是,只要唔係不停重覆犯同一個錯就可以,知錯能改就好。我自己會容許工人在同一事上犯3-5次以內錯,安慰一下工人的犯罪害怕感,唔使錯一次就緊張大師上身,若再犯多幾次便要正視及拎出來傾吓如何改善。對工人來說,被包容係好重要,因為愈怕錯就愈易做錯,最緊要凝造到positive鼓勵的氣氛。

5. 提供外傭自由度, 促進外傭自行思考

每星期我都會有三日比工人煮她自創的菜式,她會更加上心努力睇書/上網鑽研菜式,給予工人自由度,工人都會多點信心,也許到時工人上手,唔使我教佢買餸或指定餸菜,工人都可以買/煮餸得自如不需我插手呢👍🏻

Facebook 活動連結:https://bit.ly/3JAp2Rv

其他不同僱主的做法, 大多都是陪同外傭姐姐到街市實習, 讓外傭能夠多嘗試自行買東西, 在遇到買錯東西時僱主就能夠立即幫忙,而這個亦是最佳的方法。

—————————————

搵緊外傭嗎? 立即尋找外傭

不想錯過外傭資訊,立即Follow 我地既Facebook

立即分享!